काठमाडौँ, २८ फागुन । नेकपा एमालेका अध्यक्ष केपी शर्मा ओलीले ग्याल्पो ल्होछार पर्वको शुभकामना व्यक्त गर्नुभएको छ ।
उहाँले सामाजिक सञ्जालमार्फत शेर्पा र उत्तरी हिमाली क्षेत्रमा बसोबास गर्ने समुदायको नयाँ वर्ष ग्याल्पो ल्होछारको शुभकामना व्यक्त गर्नुभएको हो ।
अध्यक्ष ओलीले भन्नुभएको छ, ‘महायानी बौद्ध परम्परा अनुसार आज नयाँ वर्ष, अर्थात् शेर्पा समुदायले मनाउने ग्याल्पो ल्होसार । ग्याल्पो ल्होसारको सबैलाई शुभकामना !!’
नेपालको हिमालीसहित विभिन्न क्षेत्रमा बसोबास गर्ने आदिवासी शेर्पालगायत महायान बौद्ध धर्मावलम्बी समुदायद्वारा फागुन शुक्लपक्ष प्रतिपदा तिथिका दिन नयाँ वर्षका रूपमा विविध कार्यक्रम आयोजना गरी ग्याल्पो ल्होसार मनाइन्छ ।
