पोखराको प्याराग्लाइडिङमा एकद्वार हटाएपछि विवाद

पोखरा, २९ मंसिर । पोखराको प्याराग्लाइडिङ उडानमा एकद्वार प्रणाली हटाएपछि विवाद उत्पन्न भएको छ ।

अहिलेसम्म प्याराग्लाइडिङ व्यवसायीको छाता संस्था नेपाल हवाई खेलकुद संस्था (ना)ले शुल्क तोक्ने र पालो प्रणाली अपनाउने गर्दै आएको थियो । संस्थाले व्यवसायीलाई शुल्कदेखि आलोपालोसम्म तोकिदिने कामले सिण्डिकेट हुने र स्वतन्त्र व्यवसायको अधिकार पनि मर्ने भन्दै अहिले व्यवसायीलाई शुल्क तोक्नेदेखि उडान गर्नेसम्मको अधिकार ‘ना’ ले सुम्पिएको छ ।

संस्थाले व्यवसायीलाई नै शुल्क तोक्न दिँदा र आलाोपालो व्यवस्था पनि हटाउँदा प्याराग्लाइडिङ क्षेत्रमा मनपरी बढ्ने भन्दै बिहीबार प्यारापाइलटहरुले उडान ठप्प पारेका छन् । संस्थाले यसअघि उडानमा एकरुपमा कायम गर्ने भन्दै आधा घण्टा उडान भर्दा स्वदेशी तथा विदेशी दुबैसँग १२ हजार रुपैयाँ र पालो गरेर उडान गराउने व्यवस्था गरेको थियो । संस्थाबाटै एकद्वार प्रणालीमार्फत उडान गराउने कि सम्पूर्ण अधिकार व्यवसायीलाई दिने भन्ने विषयमा व्यवसायीकै बीचमा मतभेद थियो ।

संस्थाले तोकिदिएको मूल्य महँगो भएको, प्रवर्द्धनात्मक गतिविधिमा सहयोगी नबनेको, सेवा फितलो बनेको र संस्थाले एकाधिकार जमाएको एकाथरी व्यवसायीको भनाइ थियो । व्यवसायीहरुले भने देशबाटै सिण्डिकेट हटिसकेको अवस्थामा प्याराग्लाइडिङमा जारी राख्नु गलत हुने बताएका छन् । पोखरा अन्तर्राष्ट्रिय विमानस्थल सञ्चालनमा आएपछि बिस्थापित हुने चिन्तामा रहेका पोखेराका प्याराग्लाइडिङ व्यवसायीलाई सराङकोटको पुरानो ठाउँ छाडेर तोरीपानी र मान्द्रेढुंगाबाट अहिले उडान भर्दै आइरहेका छन् ।

प्रतिक्रिया दिनुहोस्

संबन्धित समाचार

काठमाडौँ, ५ जेठ । काठमाडौँ महानगरका मेयर बालेन शाहले कान्स फिल्म फेस्टिभलमा आयोजित हलिउड फिल्म ‘मेगालोपोलिस’को रेडकार्पेट वर्ल्ड प्रिमियरमा भाग

काठमाडौँ, ५ जेठ । ‘तारक मेहता का उल्टा चश्मा ’का अभिनेता गुरचरण सिंह तीन सातापछि शुक्रबार घर फर्किएका छन् ।

काठमाडौँ, ४ जेठ । बिहीबार रातिको कान्स फिल्म फेस्टिभलको रेडकार्पेटमा बलिउड अभिनेत्री ऐश्वर्या रायले विश्वको ध्यान पुनः आफ्नो सौन्दर्यतर्फ केन्द्रित

काठमाडौँ, ४ जेठ । वैवाहिक बलात्कारको मुद्दामा प्रहरी नियन्त्रणमा रहेका गायक रवि ओड धरौटीमा रिहा भएका छन् । कञ्चनपुर प्रहरीका कञ्चनपुर