दैलेख, ११ मंसिर । दैलेखमा छोरी बलात्कार गरेको आरोपमा बाबु पक्राउ परेका छन् ।
जिल्ला प्रहरी कार्यलय दैलेखका अनुसार पीडित किशोरीकी आमाले गत बिहीबार उजुरी दिएकी थिइन् । सोही उजुरीका आधारमा दैलेख प्रहरीले पक्राउ गरी ती पुरुषलाई जिल्ला अदालतबाट १० दिन म्याद थप गरी थप अनुसन्धान सुरु भएको छ ।
उक्त पुरुषले नाबालिका छोरीलाई विगत ३ वर्षदेखि पटक–पटक फकाई, डरत्रास देखाई र प्रलोभनमा पारी जबरजस्ती यौन हिंसा गर्ने गरेको पाइएको छ । बाबुबाट यौन हिंसाको शिकार भएकी ती बालिका ‘डिप्रेशन’को शिकार भएको समेत प्रहरीले जनाएको छ ।
