काठमाडौँ, १४ बैशाख । नेपाल रेडले अभ्यास खेलमा नेपाल ब्लुविरुद्ध चार रनको रोमाञ्चक जित निकालेको छ ।
आज मूलपानी क्रिकेट मैदानमा २७६ रनको लक्ष्य पछ्याएको नेपालले ब्लुले निर्धारित ५० ओभरमा सात विकेट गुमाउँदै २७२ रन मात्र बनाउन सक्यो ।
नेपाल ब्लुका अर्जुन घर्तीमगरले ५९ रन बनाए । मयन यादवले ४९, नारायण जोशीले ४६ र पवन पर्राफले ४४ रन जोडे । नेपाल रेडका विशाल पटेल र अभिषेश गौतमले समान दुई विकेट लिए । शेर मल्ल र रासिद खानले एक/एक विकेट हात पारे ।
त्यसअघि, पहिले ब्याटिङ गरेको नेपाल रेडले ५० ओभरमा नौ विकेट गुमाएर २७६ रन बनाएको थियो । नेपाल रेडका निम्ति अर्जुन कुमालले सर्वाधिक ७३ रन बनाए । अनिल साह, दीपक डुम्रे र शंकर रानाले समान ३५ रन बनाए ।
नेपाल ब्लुका विपीन खत्री, शहब आलम, पवन सर्राफ र प्रकाश जैशीले समान दुई विकेट लिए ।
