रौतहट, ११ असार । रौतहटको गुजरा नगरपालिकामा बाख्रालाई ठक्कर दिएर भएको मोटरसाइकल दुर्घटनामा एक युवकको मृत्यु भएको छ भने अर्का एक जना गम्भीर घाइते भएका छन् ।
बुधबार साँझ करिब ७ बजेर ५ मिनेट जाँदा गुजरा नगरपालिका–५ हरिहरपुरस्थित भित्री सडकखण्डमा कनकपुरबाट हरिहरपुरतर्फ जाँदै गरेको बा ९३ प ७५८८ नम्बरको मोटरसाइकलले दुर्घटनामा मोटरसाइकल चालक चन्द्रपुर नगरपालिका–५ निवासी २३ वर्षीय आमोद चौधरी र पछाडि सवार सोही स्थानका २४ वर्षीय दिपेश चौधरी गम्भीर घाइते भएका थिए। दुवैलाई तत्काल उपचारका लागि चन्द्रपुर अस्पताल, चपुर पठाइएको थियो।
अस्पतालमा उपचारका क्रममा चिकित्सकले दिपेश चौधरीलाई राति ७ बजेर ५५ मिनेटमा मृत घोषणा गरेको जिल्ला प्रहरी प्रवक्ता डिएसपी वसन्त गौतमले बताएका छन् ।
