काठमाडौँ, ८ बैशाख । उदयपुरमा बसले मोटरसाइकललाई ठक्कर दिँदा एक युवकको मृत्यु भएको छ ।
जिल्ला प्रहरी कार्यालय उदयपुरका अनुसार बेलका नगरपालिका–३, सातपत्रेमा गएराति जन्ती बोकेको बसले मोटरसाइकललाई ठक्कर दिँदा बेलका–३, सातपत्रेका २७ वर्षीय रोमन बस्नेतको मृत्यु भएको हो ।
प्रदेश १–०२–०४५ प ८४४६ नम्बरको मोटरसाइकलमा सातपत्रेबाट रामपुर बजारतिर जाँदै गरेको बस्नेतलाई सातपत्रे नजिकै चौदण्डीगढी नगरपालिकाको माणिबासबाट बेलकातर्फ फर्कंदै गरेको प्रदेश १–००२ ख ०१५८ नम्बरको बसले ठक्कर दिएको थियो । बस्नेतको घटनास्थलमानै मृत्यु भएको हो ।
उक्त घटनाबारे थप अनुसन्धान भइरहेको प्रहरीले जनाएको छ ।
