एजेन्सी, ७ असोज । स्पेनिस बार्सिलोना तथा अर्जेन्टिनाका सुपरस्टार लिओनल मेस्सीले ‘फिफा वर्ष खेलाडी’को अवार्ड जितेका छन् ।
सोमबार राति इटालीको मिलानमा फिफाद्वारा आयोजित अवार्ड घोषणा सभामा मेस्सीलाई ‘बेस्ट फिफा प्लेयर अफ् द इयर’ घोषणा गरिएको हो । भर्जिल भान डाइक र क्रिस्टियानो रोनाल्डोलाई पछि पार्दै उनले २०१९ को फिफा वर्ष खेलाडीको अवार्ड जितेका हुन ।
यो अवार्डसँगै मेस्सीले आफ्नो करिअरमा नयाँ इतिहास रचेका छन् । मेस्सीले रोनाल्डोलाई पछि छाड्दै सर्वाधिक धेरै फिफा बेस्ट अवार्ड जित्ने कीर्तिमान आफ्नो नाममा बनाए ।
मेस्सीले ला लिगको उपाधि जित्नुका साथै युरोपेली गोल्डेन बुट जितेका थिए । तर च्याम्पियन्स लिगमा सेमिफाइनलबाटै बाहिरिएको थियो । मेस्सीले गएको सिजन बार्सिलोना र अर्जेन्टिनाका लागि गरी ५८ खेलमा ५४ गोल गरेका थिए ।
