काठमाडौँ, ५ भदौ । बिहीबार नेप्से परिसूचक करिब १ अंकले घटेपनि सेन्सेटिभ परिसूचक बढेको छ ।
आज नेप्से शुन्य दशमलव ९९ अंकले घटदा सेन्सेटिभ परिसूचक शुन्य दशमलव २९ अंकले बढेको छ ।
पूँजीगत लाभकरको विवाद अझै नटुंगिदा लगानीकर्ताले कारोबार गर्न सकेका छैनन् । त्यसैले पछिल्लो दिनहरुमा शेयर कारोबार घट्दै गएको छ ।
बिहीबार पनि ३ करोड रुपैयाँले कारोबार घटेको छ । १ सय ७२ कम्पनीको २६ करोड १६ लाख रुपैयाँ बराबरको कारोबार भएको छ । कारोबारमा आएका अधिकांश समुहका परिसूचकहरु घटेका छन् ।
एक करोड रुपैयाँ भन्दा बढीको कारोबार हुने कम्पनीमा एनआइसि एसिया, प्रभु र कृषि विकास बैंक रहेका छन् । बिहीबारबाट मात्र कारोबार खुलेको सबैको लघुवित्तको शेयर मूल्य सबैभन्दा बढी ६ प्रतिशतले बढेको छ ।
