‘असल उद्धेश्य भएका मात्रै ट्रिटन कलेजमा आउनु’ : अध्यक्ष शाह
काठमाडौँ, २१ असार । ट्रिटन इन्टरनेशनल सेकेण्डरी स्कुल सुविधानगर तिनकुनेबाट २०७५ को माद्यमिक शिक्षा परीक्षा (एसईई) उतिर्ण विद्यार्थीको सम्मानमा विद्यालयले शुक्रबार वधाई र विदाईका साथै विद्यार्थी, अभिभावक र शिक्षकहरुका लागि रात्रीभोजको आयोजना गर्यो । लामो समय पढेर एसईई उतिर्ण भई विद्यालय छोडेर जान लागेका विद्यार्थी देखेर भाइस प्रिन्सिपल ममता शाह भावविह्वल भएकी थिइन् ।
वधाई तथा सम्मान कार्यक्रममा ट्रिटन इन्टरनेशनल सेकेण्डरी स्कुल÷कलेजका कार्यकारी अध्यक्ष विश्वनाथ प्रसाद शाह, कलेजका भाइस प्रिन्सिपल श्रीकृष्ण विष्ट, विद्यालयका निर्देशक राजन सुवेदी, भाइस प्रिन्सिपल ममता शाहले विद्यार्थीलाई टीका र खादा लगाई उपहार दिएर वधाई दिएका थिए ।
कार्यक्रमलाई सम्वोधन गर्दै ट्रिटन इन्टरनेशनल सेकेण्डरी स्कुल/कलेजका कार्यकारी अध्यक्ष विश्वनाथ प्रसाद शाहले ट्रिटन कलेज समाजमा अलग पहिचान बनाउन सफल कलेज भएकोले असल व्यक्ति बन्छु भन्ने उद्धेश्य राख्नेहरु मात्रै यहाँ पढ्ने आउने बताए । उनले भने—‘भविष्यमा केही बन्छु भनेर राम्रो उद्धेश्य राख्नेमात्रै ट्रिटनमा आउनु, बदमासी गर्छु, झगडा र फट्याई गर्छु भन्नेहरुलाई ट्रिटनमा प्रवेश छैन ।’
उनले ट्रिटन इन्टरनेशनल सेकेण्डरी स्कुलबाट एसईई उतिर्ण सबै विद्यार्थीलाई ट्रिटन कलेज मा पढ्नको लागि विशेष छात्रवृत्तिको व्यवस्था गर्ने घोषणा पनि गरे । ट्रिटन स्कुलबाट एसईई उतिर्ण गर्नेलाई कलेजमा भर्ना शुल्क नलाग्ने मात्रै होइन, धेरै कुराको छुटको व्यवस्था गरिएको छ ।
कार्यक्रममा ट्रिटन इन्टरनेशनल कलेजका भाइस प्रिन्सिपल श्रीकृष्ण विष्टले कलेजमा उपलव्ध विषय र विद्यार्थीको छनौट लगायतका विषयमा जोड दिँदै अन्य कलेज छान्नुभन्दा आफ्नै कलेजमा पढ्दा समय, शुल्क लगायत धेरै विषयमा विद्यार्थीलाई फाइदा पुग्ने बताए ।
विद्यालयका निर्देशक राजन सुवेदीले विद्यालयमा जसरी नै ध्यान दिएर माथिल्लो कक्षामा पढ्नको लागि विद्यार्थीलाई आग्रह गरे भने भाइस प्रिन्सिपल ममता शाहले जतिसुकै पढेपनि आफ्ना अभिभावक र गुरुवर्गले भनेका कुरालाई आत्मसाथ गर्न र उनीहरुलाई सँधै आदर गर्न विद्याथर््ीलाई सुझाइन ।
कार्यक्रममा वरिष्ठ पत्रकार एवम् ट्रिटन स्काउट ट्रुपका स्काउट गुरु बलराम प्यासी तथा ट्रिटन इन्टरनेशनल कलेजको प्रशासन प्रमु ऋतु न्यौपानेको पनि सहभागिता थियो ।
