काठमाडौँ, ९ कार्तिक । नेपाल प्रिमियर लिग (एनपीएल) सिजन ३ को पहिलो खेलमा लुम्बिनी लायन्सले सहज जित हासिल गरेको छ ।
सुदूरपश्चिमविरुद्ध लुम्बिनीले ७ विकेटको जित हासिल गरेको हो । सुदूरपश्चिम रोयल्सले दिएको ८८ रनको लक्ष्य लुम्बिनीले ९.३ ओभरमा ३ विकेटको क्षतिमा प्राप्त गरेको हो ।
लुम्बिनीका लागि डार्सी सर्टले ४० रन बनाए । उनी आउट भएका थिए । लुम्बिनीका आसिफ शेख ३२ रनमा आउट भए । निरोशन डिक्वेला भने ७ रनमा आउट भएका थिए ।
सुदूरपश्चिमका लागि २ विकेट अनिल खरेलले लिएका थिए भने कप्तान दीपेन्द्रसिंह ऐरीले १ विकेट लिए । लुम्बिनी लायन्स एनपीएल सिजन २ को विजेता हो । सुदूरपश्चिम रोयल्स भने एनपीएल पहिलो र दोस्रो सिजनको उपविजेता टोली हो ।
