ललितपुर, ७ जेठ । गतवर्षको माघदेखि स्काउटिङ्ग कक्षा शुरु भएपछि पवन प्रकति स्काउट ट्रुप इमाडोलका स्काउटहरु पहिलोपटक शहरदेखि जंगलसम्मको रोमाञ्चक यात्रा (हाइकिङ्ग) मा सहभागी भएका छन ।
स्काउट गुरु शिवकुमार त्वायनाको नेतृत्वमा भक्तपुरको सिद्धपोखरी, दरबार स्कवायर क्षेत्र, पाँचतल्ले मन्दीर (न्यातापोल) को अवलोकन गर्दैै हिँडेर उनीहरु राम मन्दीर, सुर्यविनायक गणेश मन्दीर हुँदै डोलेश्वर नजिकको जंगलसम्म गएका थिए । त्यहाँ पुगेर उनीहरु स्काउटका विभिन्न क्रियाकलापमा सहभागी भएका थिए ।
स्काउटको अनुशासनलाई अनुसरण गर्दै, स्काउटका चिन्हहरु पच्छयाउँदै स्काउटहरु पहिलोपल्ट हाइकिङ्गको रमाइलो यात्रा अनुभव संगालेको पवन प्रकति स्कुलका भाइस प्रिन्सिपल विष्णुभक्त राईले बताए । यस्ता कृयाकलापले विद्यार्थीहरुमा स्काउटिङ्गप्रति रुचि बढ्ने पनि राईले बताए ।
