काठमाडौँ, १० कार्तिक । प्रहरीले सुर्खेतमा हत्या आरोपमा एकजनालाई पक्राउ गरेको छ ।
प्रहरीका अनुसार सुर्खेतको गुर्भाकोट नगरपालिका-८, सुन्दरनगर बस्ने ६२ वर्षीय मानबहादुर राजीको हत्या गरेको आरोपमा सोही ठाउँ बस्ने ४० वर्षीय मैते भन्ने टेकबहादुर विकलाई आज दिउँसो पक्राउ गरेको हो ।
टेकबहादुरले चिर्पट प्रहार गर्दा मानबहादुर गम्भीर घाइते भएको भन्ने खबर प्राप्त हुनासाथ प्रहरी चौकी मेहेलकुनाबाट खटिएको प्रहरीले उनलाई पक्राउ गरेको प्रहरी प्रधान कार्यालयले जानकारी दिएको छ ।
गम्भीर घाइते भएका मानबहादुरको कोहलपुर मेडिकल कलेजमा थप उपचारको क्रममा मृत्यु भएको हो । यसबारे आवश्यक अनुसन्धान भइरहेको प्रहरीले जानकारी दिएको छ ।
