काठमाडौँ, २७ असोज । तनहुँमा मोटरसाइकलको ठक्करबाट तीन वर्षीय बालकको मृत्यु भएको छ ।
प्रहरीका अनुसार भिमाद नगरपालिका–५, शीतलमार्गस्थित भित्री सडकखण्डमा मोटरसाइकलको ठक्करबाट बालकको मृत्यु भएको हो ।
आज बिहान करिब ८ः५० बजे भिमादबाट ऋषिङपाटनतर्फ जाँदै गरेको ग.प्र.०३–००१ प १०६७ नम्बरको मोटरसाइकलले सोही स्थानका तीन वर्षीय स्वरूप गैरेलाई ठक्कर दिँदा उनी घाइते भएका थिए ।
घाइते बालकलाई उपचारका निम्ति जीपी कोइराला राष्ट्रिय श्वासप्रश्वास उपचार केन्द्र लगिएकामा बिहान ९ः५६ बजे चिकित्सकले मृत घोषणा गरेका प्रहरीले जनाएको छ ।
उक्त मोटरसाइकल र चालकलाई नियन्त्रणमा लिई प्रहरीले थप अनुसन्धान गरिरहेको छ ।
