एजेन्सी, २७ असोज । अमेरिकी राष्ट्रपति डोनाल्ड ट्रम्पले उत्तर कोरियाली नेता किम जोङ उनसँग भेटवार्ता हुन सक्ने संकेत गरेका छन् ।
फिलिपिन्समा आयोजना हुने आसियान शिखर सम्मेलन र चीनको शेन्जेनमा हुने एपेक शिखर सम्मेलनका लागि आफ्नो आसन्न एसिया भ्रमणका क्रममा पत्रकारहरूले सोधेको प्रश्नको उनले यस्तो प्रतिक्रिया दिएका हुन् । ट्रम्पले भने, “म उहाँलाई भेट्न सक्छु । यो एक रोमाञ्चक भेटघाट हुनेछ । मेरो उनीसँग राम्रो सम्बन्ध छ ।”
ट्रम्पले आफ्नो पहिलो कार्यकालका क्रममा किम जोङ उनसँग तीनपटक प्रत्यक्ष भेटवार्ता गरेका थिए । पहिलो जुन २०१८ मा सिंगापुरमा, दोस्रो फेब्रुअरी २०१९ मा भियतनाममा र तेस्रो जुन २०१९ मा उत्तर र दक्षिण कोरियाको असैन्यीकृत क्षेत्र मा भएको थियो ।
