काठमाडौँ, २७ असोज । मुगुमा खुँडा प्रहार गरी वृद्धको हत्या गरेको आरोपमा प्रहरीले एकजनालाई पक्राउ गरेको छ ।
पक्राउ पर्नेमा छायाँनाथ रारा नगरपालिका–५, कार्कीवाडाका ३२ वर्षीय अजवीर कामी छन् । प्रहरीका अनुसार आज बिहान सोही स्थानमा उनले ७५ वर्षीय धनवीर कामीमाथि खुँडा प्रहार गरेका थिए । खुँडा प्रहारबाट घाइते धनवीरलाई तत्काल उपचारका निम्ति जिल्ला अस्पताल मुगु लगिएकामा चिकित्सकले मृत घोषणा गरेको हो ।
फरार भएका अजवीरलाई खोजतलासका क्रममा आज बिहान छायाँनाथ रारा–३ स्थित राराताल जाने जंगलमा भागिरहेको अवस्थामा फेला पारी खुँडासहित उनलाई नियन्त्रणमा लिइएको प्रहरीले जनाएको छ ।
