काठमाडौँ, २१ असार । काठमाडौँ महानगरपालिकाले ननग्रेडेड माध्यमिक शिक्षा परीक्षा (एसईई) नतिजाको कारण खोज्न प्रधानाध्यापकलाई आग्रह गरेको छ ।
कामपाको उपप्रमुख सुनिता डंगोलले सामुदायिक विद्यालयमा कुशल व्यवस्थापकको नेतृत्वका रूपमा प्रधानाध्यापकलाई ननग्रेडेड एसईई नतिजाको कारण खोज्न सम्बन्ध भएका विद्यालयका प्रमुखलाई आग्रह गरेकी हुन् ।
गएको तीन वर्षदेखि अपेक्षित नतिजा प्राप्त गर्न नसकेका र यस वर्ष ५० प्रतिशतभन्दा धेरै विद्यार्थी ननग्रेडेड नतिजा भएका विद्यालयका प्रधानाध्यापकहरूसँग उनले भनिन्, ‘यसकारण नेतृत्वको खोजी भएको हो । “साझेदार एकै ठाउँमा बसेर एउटै दृष्टिबाट काम गर्ने हो भने हरेक समस्याको समाधान खोज्न सकिन्छ,” “यसपछिको एक महिना ननग्रेडेड विद्यार्थीलाई पढाएर नतिजा सुधारका लागि काम गरौँ । त्यसपछि सबै समस्या केलाएर, सीप र क्षमताको विश्लेषण गरेर थप कार्यक्रम तर्जुमा गरौँला ।”
छलफलमा कामपाका शिक्षा अधिकृत केशव ज्ञवालीले प्रधानाध्यापक र शिक्षकको सम्बन्ध राम्रो नहुनु, विद्यार्थी र शिक्षकको सम्बन्ध राम्रो नहुनु, विद्यार्थीको घरायसी वातावरण राम्रो नहुनु, विद्यार्थी शिक्षासँगै श्रम क्षेत्रमा आबद्ध हुनु, अभिभावकको नियन्त्रणमा विद्यार्थी नहुनुजस्ता कारण केही विद्यार्थीको एसईईको नतिजा राम्रो नभएको धारणा राखे ।
