कांग्रेस कास्की–१ ले सुत्केरीलाई लोकल भाले र बच्चालाई कपडा सहयोग गर्ने

काठमाडौँ, १५ कार्तिक । नेपाली कांग्रेस कास्की क्षेत्र नम्बर १ ले विपन्न तथा दलित समुदायका सुत्केरी आमा र नवजात शिशुलाई सहयोग अभियान घोषणा गरेको छ । आइतबार बसेको बैठकले आमा–शिशु साथ अभियान सञ्चालन गर्ने निर्णय गरेको हो । 

पार्टीले मानवीय सेवा र सामाजिक उत्तरदायित्वको भावनासहित राजनीतिक स्वार्थभन्दा माथि उठेर काम गर्नुपर्ने नवनिर्वाचित सभापति सरोज केसीले बताए । अभियानअन्तर्गत आर्थिक रूपमा विपन्न तथा दलित समुदायका ३१ वर्षमुनिका सुत्केरी आमा र उनका नवजात शिशुलाई राहत तथा पोषण सहयोग उपलब्ध गराइने केसीले जानकारी दिए ।

बच्चा जन्मिएको ११ दिनभित्र सम्पर्क गर्ने लक्षित परिवारलाई २४ घण्टाभित्रै सहयोग पुर्‍याइने पार्टीले जनाएको छ । जसमा सुत्केरी आमाको पोषणका लागि स्थानीय लोकल कुखुराको एउटा भाले र नवजात शिशुका लागि मौसमअनुसार २ देखि ३ थान नयाँ कपडा उपलब्ध गराउने निर्णय छ ।

त्यस्तै, आर्थिक रूपमा अत्यन्त विपन्न अन्य परिवारलाई पनि आवश्यकताका आधारमा यस्तो सहयोग गर्न सकिने कार्यविधि बनाइएको छ । सहयोगका लागि कुनै दल विशेष सीमा नभएको केसीले बताए ।

प्रतिक्रिया दिनुहोस्

संबन्धित समाचार

नवलपुर, ३० कार्तिक । नवलपुरको कावासोती नगरपालिका–११ लोकाहामा यात्रु बस दुर्घटना हुँदा २५ जना घाइते भएका छन् । कैलालीको धनगढीबाट

मकवानपुर, ३० कार्तिक । मकवानपुरको चित्लाङबाट लागुऔषध चरेससहित २ जना पक्राउ परेका छन् । थाहा नगरपालिका–९ स्थित चित्लाङ चेक प्वाइन्टबाट

काठमाडौँ, ३० कार्तिक । रारा ताल घुम्न आएका पर्यटक सवार गाडी मुगुमा दुर्घटना हुँदा मृत्यु भएका तीनैजनाको सनाखत भएको छ

काठमाडौँ, ३० कार्तिक । सुनसरीको हरिनगर गाउँपालिकामा छठ पूजास्थल तोडफोड गरेको आरोपमा प्रहरीले दुई जनालाई पक्राउ गरेको छ ।  प्रहरीका