काठमाडौँ, २६ असोज । नेकपा एमालेका अध्यक्ष केपी शर्मा ओलीले नवनियुक्त केन्द्रीय सदस्यहरूलाई सक्रिय भएर काम गर्न निर्देशन दिएका छन्।
आज मनोनीत केन्द्रीय सदस्यहरूको शपथ ग्रहण कार्यक्रमलाई पार्टी केन्द्रीय कार्यालय च्यासलमा सम्बोधन गर्दै उनले सक्रिय भएर पार्टी काममा लाग्न निर्देशन दिएका हुन् ।
उनले भने, ‘इतिहासको मात्र कुरा गरेर, त्यसलाई मात्रै मापदण्ड बनाएर अब मूल्याङ्कन हुँदैन । विगतको इतिहास र योगदानसँगै अब क्षमता छ कि छैन, त्यसको पनि मूल्याङ्कन हुन्छ’, ।
विषयवस्तुमा जतिसुकै विज्ञता भए पनि व्यवहारमा सक्रिय नहुने हो भने त्यसको कुनै अर्थ नरहने उनको भनाइ छ।
