सुर्खेत, २९ बैशाख । सभापति गगनकुमार थापाले कांग्रेसलाई यो बेला चिन्ता होइन चिन्तन चाहिएको थापाले बताएका छन् ।
सोमबारदेखि कर्णालीको राजधानी वीरेन्द्रनगरस्थित शुभ होटलमा आयोजित नेपाली कांग्रेसको प्रदेशस्तरीय भेलामा बोल्दै सभापति थापाले अब चिन्ता भन्दा धेरै चिन्तन गर्न नेता, कार्यकर्तालाई आग्रह गरे । थापाले पार्टीभित्रको समस्या र निर्वाचनमा मतदाताको मनसाय लक्षित टिप्पणी गर्दै नेपालमा २० प्रतिशतदेखि ४० प्रतिशतको बिचमा उदार राजनीतिक चिन्तन राख्ने मतदाताहरूको समूह रहेको बताए । थापाले अब पार्टीलाई सूचना र प्रविधिसँग जोडेर अघि बढ्नुपर्ने कुरा पनि राखे ।
उनले भने, ‘समीक्षा गर्दाखेरि जहिले पनि दुईवटा तरिका हुन्छ, एउटा चिन्ता गर्ने, अर्को चिन्तन गर्ने । चिन्ताले डुबाउँछ, चिन्ता नेगेटिभ कुरा हो । चिन्तामा ब्लेम गर्ने, दोष लगाउने मान्छे खोजिन्छ । तर चिन्तनले अलिकति गहिराइमा लिएर जान्छ ।’
