भक्तपुर, ९ फागुन । रक्ततत्वको अभाव हुन नदिन प्रज्ञा इङ्गलिस सेकेण्डरी स्कूलले रक्तदान कार्यक्रम सम्पन्न गरेको छ ।
चाँगुुनारायण नगरपालिका वडा नंं.२, दुवाकोटमा ३७ वर्षदेखि शैक्षिक सेवा प्रवाह गर्दै आएको सो स्कूलले आफ्नो विद्यालयको ३७ औ वार्षिकोत्सवको अवसर पारेर सो रक्तदान कार्यक्रम आयोजना गरेको हो ।
नेपाल रेडक्रस सोसाईटी दुवाकोट उपशाखाको प्राविधिक सहकार्यमा सम्पन्न रक्तदान कार्यक्रमबाट ३५ पाउण्ड रगत संकलन गरिएको विद्यालय प्रधानध्यापक टंक सिटौलाले अवगत गराउनु भयो ।
रक्तदान कार्यक्रममा चाँगुनारायण नगरपालिका, वडा नं.२ का वडाअध्यक्ष सोम प्रसाद प्रधान,सामाजिक अभियन्ता एवं नेपाल रेडक्रस सोसाईटी दुवाकोट उपशाखाका सल्लाहकार नबराज काफ्ले, सोहि उपशाखाका सभापति मन्दिरा कार्कीलगायतको विशेष उपस्थिति रहेको थियो ।
