काठमाडौँ, २५ बैशाख । नेपालमा सबैभन्दा धेरै नयाँ कुष्ठरोगका बिरामीहरू मधेश प्रदेशमा फेला परेका जनसङ्ख्या मन्त्रालयका सचिव डा. विकास देवकोटाले जानकारी दिएका छन् ।
आजदेखि काठमाडौँमा शुरू भएको कुष्ठरोगसम्बन्धी अन्तर्राष्ट्रिय सम्मेलनमा उहाँले मधेश, लुम्बिनी र कोशी प्रदेशमा क्रमशः रोगको उच्च भार रहेको बताए । उनका अनुसार मधेश प्रदेशमा कुल कुष्ठरोगीको एक तिहाइभन्दा बढी रहेका छन् ।
दोस्रोमा लुम्बिनी प्रदेश रहेको छ । जहाँ कुल कुष्ठरोगीको एक चौथाइभन्दा बढी कुष्ठरोगीहरू रहेका छन् ।
आर्थिक वर्ष २०८०/०८१ को अन्त्यसम्म नयाँ फेला परेका दुई हजार चार सय ७२ कुष्ठरोगीमध्ये महिलाको सङ्ख्या एक हजार ४२ रहेकाे छ ।
त्यस्तै १४ वर्षमुनिका नयाँ बिरामीको सङ्ख्या एक सय ३६ रहेको सचिव डा. देवकोटाको भनाइ छ । उहाँले पहिचान रहेका सबै कुष्ठरोगका बिरामीहरू उपचाररत रहेका छन् ।
