काठमाडौँ, २८ असार । माछापुच्छ्रे बैंकको नायब प्रमुख कार्यकारी अधिकृत (डीसीईओ)मा प्रसिद्धराज अर्याल बढुवा भएका छन् ।
बैंकको यसै असार २७ गते बसेको सञ्चालक समितिको बैंठकले साउन १ गतेदेखि पदभार सम्हाल्ने गरी उनलाई बढुवा गरेको हो । यस्तै, सञ्चालक समितिले सुभाष जम्कट्टेललाई नायब महाप्रबन्धक पदमा बढुवा गरेको छ ।
काठमाडौं विश्वविद्यालयबाट व्यापार प्रशासन संकायमा स्नाकोत्तर गरेका अर्यालसँग कर्जा, ट्रेजरी तथा करेसपोन्डेन्ट बैंकिङ, शाखा सञ्चालन र लघुवित्त जस्ता विभिन्न बैंकिङ क्षेत्रमा १६ वर्षभन्दा बढीको अनुभव तथा ज्ञान रहेको बैंकले जनाएको छ । अर्यालले यसअघि सिभिल बैंक, सनराइज बैंक र नेपाल इन्भेष्टमेन्ट बैंकमा काम गरेका थिए ।
यस्तै, सन् २०१० देखि बैंकिङ करियर सुरु गरेका जम्कट्टेल २०११ देखि माछापुच्छ्रे बैंकमा आवद्ध थिए । जम्कट्टेल लेखा र बैंकिङ क्षेत्रमा विशेषज्ञता भएको दक्ष र अनुभवी चार्टर्ड एकाउन्टेन्ट रहेको बैंकले जनाएको छ ।
