(जेष्ठ २२, बारा) । नेपाल कम्युनिष्ट पार्टीको भातृ संगठन युवा संघ नेपालका केन्द्रिय अध्यक्ष रमेश पौडेलले नेपाल कम्युनिष्ट पार्टीले लिएको विचार विश्व कम्युनिष्ट आन्दोलनको पुँजीवादी दुनियालाई समाजवालमा डोर्याउने बताएका छन् ।
बारा जिल्लामा युवा संघ नेपाल प्रदेश न २ को बैठकको उद्घाटन गर्दै अध्यक्ष पौडेलले पार्टी एकताले मुलुक भरका आम युवामा उत्साह थपेको बताएका छन् । युवा संघ नेपाल र वाइसियलको एकता छिट्टै हुने बताउँदै शसक्त कम्युनिस्ट पार्टी निर्माणका लागि युवाहरु थप सङठित हुनु पर्ने धारणा व्यक्त गरेका छन् ।
त्यस्तै अध्यक्ष पौडेलले असार १४ र १५ गते अबिबार्य खेतमा जाने कृषि अभियान सुरु गर्न लागेको बताएका छन् । ‘हामी हाम्रो सीप र श्रमले हाम्रा खेतमा पसिना फलाउँछौ, आत्मनिर्भर अर्थतन्त्रको बिकास गरि समृद्दी हाम्रै पालामा सम्भव बनाउछौ’ उनको भनाई थियो । त्यस्तै भर्खरै सरकारद्वारा प्रस्तुत बजेट युवा मैत्री रहेको र बजेटले तराइमा विशेष कार्यक्रम प्रारम्भ गरेको बताएका छन् । मधेसका युवाको योगदान उच्च रहेको र युवा संघले समेत अब विशेष समृद्दी अभियान तराइमा सन्चालन गर्ने बताएका छन् ।
कार्यक्रमको सभापतित्व प्रदेश इन्चार्ज ध्रुब यादवले गरेका थिए भने स्थाइ कमिटी सदस्य नितेस पौडेल, मीन गौतम लागायतले आ-आफ्नो धारणा राखेका थिए ।
