काठमाडौँ, ५ मंसिर । आज बिहीबार धितोपत्र बजारमा शेयर कारोवार मापक नेप्से परिसूचक घटको छ ।
नेप्से सूचक ७.७४ अंकले घटेर ११२०.६० विन्दुमा आइपुगेको छ । १६७ कम्पनीको २९ करोड ७७ लाख रुपैयाँभन्दा बढीको कारोबार भएको छ । १० लाख ५० हजार ४१२ कित्ता सेयर खरिदबिक्री भएका छन् ।
नेप्सेमा कारोबार भएका १२ समूहमध्ये ३ वटा समूह बढेका छन् भने बाँकी तल झरेका छन् । वाणिज्य बैंक समूह ९.४२ अंकले घटेको छ । कारोबार रकममा एनएमबि बैंकले अग्रता लिएको छ ।
एनएमबिको ४ करोड ३० लाख रुपैयाँभन्दा बढीको कारोबार भएको छ । साल्ट ट्रेडिङ कर्पोरेसनको सेयर भाउ सर्किट लाग्ने गरी बढेको छ । सबैभन्दा धेरै जनउत्थान सामुदायिक लघुवित्तको भाउ ८.२० प्रतिशतले घटेको छ ।
