हेटौँडा, २४ माघ । प्रदेश नंं. ३ का मुख्यमन्त्री डोरमणी पौडेलले युवाहरुको जोस र जाँगरलाई देश निर्माणमा लगाउनुपर्ने भन्दै युवालाई स्वरोजगार बनाउन सरकारले पूर्ण रुपमा सघाउने बताउनुभएको छ ।
राष्ट्रिय युवा परिषद्को आयोजनामा प्रदेश ३ का युवा उद्यमी तथा युवाका लागि परामर्शसम्बन्धी अन्तरक्रिया कार्यक्रम हेटौँडामा शुरु भएको कार्यक्रमलाई सम्वोधन गर्दै उहाँले राष्ट्रलाई सफलताको गन्तव्यमा पु¥याउन युवा शक्तिले पहल गर्नुपर्ने विचार राख्नुभयो ।
स्वदेशमा बसेर काम गर्न लाज वा धक मान्ने प्रवृत्ति हटाउनुपर्ने भन्दै मुख्यमन्त्री पौडेलले विदेशमा जस्तोसुकै काम गर्ने तर आप्mनो देशमा कृषिमा काम गर्न लजाउने प्रवृत्ति त्याग्नुपर्ने बताउनुभयो ।
कार्यक्रममा अर्थ मामिला तथा योजनामन्त्री कैलाश ढुङ्गेलले युवाले भान्सादेखि दैनिक जीवनमा आइपर्ने हरेक कार्य गर्न आफूलाई सक्षम बनाउनुपर्ने धारणा राख्नुभयो ।
कार्यक्रममा प्रदेशका १३ वटै जिल्लाका युवा उद्यमी सहभागी रहने युवा परिषद् मकवानपुरका अध्यक्ष सन्तोष चौलागाईंले जानकारी दिनुभयो ।
कार्यक्रम दुई दिनसम्म चल्ने आयोजकले जनाएको छ ।
