काठमाडाैं, २४ पौष । एनआईसी एसिया बैंकले अन्तरराष्ट्रिय गुणस्तर प्रमाणपत्र ‘आईएसओ ९००१ː २०१५’ प्राप्त गरेको छ ।
बैंकको विभिन्न ग्राहकमुखी योजना, चुस्त व्यवस्थापन, वस्तु तथा सेवाको गुणस्तर, उपभोक्ता सन्तुष्टिअनुरुपको सेवा प्रदान गरेकाले यो अन्तराष्ट्रियस्तरको प्रमाणपत्र पाउन सफल भएको बैंकले जनाएको छ ।
उक्त अवाड बेलायतमा रहेको United Registrar of System-URS_/UKAS-UK ले प्रदान गर्ने गर्दछ ।
बैंकको २७० शाखाकार्यालय, २८९ एटीएम काउण्टर, ३७ वटा एक्सटेन्सन काउण्टरका साथै २२ वटा शाखारहित बैंकिङ इकाइमार्फत बैंकिङ सेवा प्रदान गर्दै आएको छ ।
