काठमाडौँ, ९ पौष । स्वास्थ्य र शिक्षालाई विशेष जोड दिनुपर्ने भन्दै सेवालाई प्रभावकारी बनाउन कर्णाली प्रदेशको सामाजिक विकास मन्त्रालय र कर्णाली स्वास्थ्य विज्ञान प्रतिष्ठानबीच सम्झौता भएको छ ।
कर्णाली प्रदेशको स्वास्थ्य सेवा र स्वास्थ्य शिक्षालाई प्रभावकारी रुपमा विकास र विस्तार गर्न आइतबार सम्झौता गरिएको हो ।
सम्झौतामा, प्रदेशका जिल्लामा कर्णाली स्वास्थ्य विज्ञान प्रतिष्ठानमार्फत गुणस्तरीय विशेषज्ञ सेवा विस्तार गर्ने, आवश्यक जिल्लामा टेलिमेडिसिन सेवा सञ्चालन गर्ने, अस्पताल प्रतिष्ठानद्वारा सञ्चालित विभिन्न शैक्षिक कार्यक्रमको शैक्षिक अभ्यास सञ्चालन गर्ने र स्वास्थ्य अनुसन्धानमूलक कार्यक्रम प्रदेशमा रहेका सम्पूर्ण स्वास्थ्य संस्थासँग सहकार्य गर्ने सम्झौता सम्पन्न भएको हो ।
