काठमाडौँ, ११ बैशाख । तनुहँको शेराफाँट भन्ने ठाउँमा बस दुर्घटना भएको छ ।
जिल्ला प्रशासन कार्यालय तनहुँका अनुसार, अहिले दुर्घटनाग्रस्त गाडीमा सवार घाइतेहरूको उद्धार कार्य भइरहेको छ । ग २ ख १८३६ नम्बरको बस दुर्घटनामा परेको हो ।
प्रारम्भिक जानकारी अनुसार, बसमा करिब ३० जना व्यक्ति सवार रहेका थिए । दुर्घटनामा २७ जना घाइते भएका छन् । घाइतेलाई जीपी अस्पताल बेलचौतारामा उपचारका लागि लगिएको छ ।
स्थानीय, प्रहरीसहित मिलेर उद्धारको काम भइरहेको र दुर्घटनाको थप विवरण आउन बाँकी रहेको तनहुँका प्रहरीले जनाएको छ । बस पाेखराबाट भैरहवाका लागि छुटेकाे थियो ।
