काठमाडौँ, २ साउन । प्रधानमन्त्री केपी शर्मा ओलीले आफुलाई प्रधानमन्त्री नियुक्ति तथा सफल कार्यकालको शुभकामना व्यक्त गर्नुहुने सम्पूर्ण शुभचिन्तकलाई डिजिटल माध्यमबाट दिन आग्रह गर्नुभएको छ ।
डिजिटल माध्यमको प्रयोग गरे समयको बचत हुने उल्लेख गर्दै उहाँले खादा मालाको प्रयोग समेत नगर्न अनुरोध गर्नुभएको छ । उक्त कुरा उहाँले आफ्नो सामाजिक सञ्जालबाट सम्पूर्ण शुभचिन्तकलाई बताउनुभएको हो ।
उहाँले भन्नुभएको छ, ‘विभिन्न माध्यमबाट शुभकामना र बधाईका सन्देश आइरहेका छन् । प्रत्यक्ष भेटेर भन्दा डिजिटल माध्यमबाट शुभकामना, बधाई दिँदा साथीहरुको समयको पनि बचत हुन्छ । शुभेच्छुक सबैलाई सकेसम्म म्यासेन्जरबाट सन्देश पठाउन र भेटमा पनि खादारमाला प्रयोग नगर्न अनुरोध गर्छु ।’
