भक्तपुर, ३० असार । दधिकोट शहरी तथा सरसफाई मुल उपभोक्ता समितिको निर्वाचनमा एमालेले ६ दलीय गठबन्धनलाई परास्त गरेको छ । शनिवार भएको निर्वाचनमा अधिकाशं पदमा एमालेका उम्मेदवार निर्वाचित हुनुभएको छ ।
जिल्लाको लागि स्थानीय, प्रदेश तथा संघको मिनि निर्वाचनको रुपमा हेरिएको यो निर्वाचनमा विजयी हासिल गरे सँगै आगामी निर्वाचन एमालेविरुद्ध जस्तो सुकै गठबन्धन बनेपनि विजयी हुने देखिएको छ । समितिको निर्वाचनमा नेपाली कांग्रेस, माओवादीसहितको ६ दलीय गठबन्धनलाई पराजित गर्दै नेकपा एमालेको तर्फबाट अध्यक्ष कृष्ण हरि खड्का, उपाध्यक्ष बाशुदेव बस्नेत, सचिव राजन प्रजापति, सहसचिव धर्म बहादुर श्रेष्ठ, महिला सदस्य सलिना खड्का, अस्मिता थापा, ईन्द्रकुमारी भट्टराई, खुल्ला सदस्य उमेश रिसाल, श्याम विष्ट निर्वाचित हुनुभएको छ ।
दक्षिण बाराही प्रणालीबाट मनिष ढुङ्गेलको सम्पूर्ण टीम, सिकारिटार प्रणालीबाट रञ्जन राजथलाको सम्पूर्ण टीम, तर्खगाल प्रणालीबाट बिष्णु खत्री, रामेश्वरी श्रेष्ठसहितको टीम विजयी भएको छ ।
