काठमाडौँ, २८ मंसिर । सिरहाबाट लागुऔषध ब्राउनसुगरसहित दुई जना युवकलाई प्रहरीले पक्राउ गरेको छ ।
इलाका प्रहरी कार्यालय माडरबाट खटिएको प्रहरीको गस्ती टोलीले सिरहा मिर्चैया नगरपालिका ५ बस्ने १८ वर्षीय रुपेश पासवान र सिरहा नगरपालिका ५ बस्ने २४ वर्षीय कृष्णाकुमार यादवलाई ब्राउनसुगरसहित पक्राउ गरेको हो ।
भारतबाट नेपालतर्फ पैदल आउँदै गरेका यादव र पासवानलाई चेकजाँच गर्दा पासवानको खल्तीबाट १ ग्राम ७२ मिलिग्राम ब्राउन सुगरे बरामद गरिएको प्रहरीले जानकारी दिएको छ । उनीहरुलाई नियन्त्रणमा लिई जिल्ला प्रहरी कार्यालय सिरहाबाट थप अनुसन्धान भैरहेको प्रहरीले जनाएको छ ।
