काठमाडौँ, ३० असार । जाजरकोटका एक पुरुषको भेरी नदीमा शव भेटिएको छ ।
मृत भेटिनेमा जुनिचाँदे गाउँपालिका-१ बस्ने वर्ष ४५ का कर्ण बहादुर रावत रहेका छन् ।
जिल्ला प्रहरी कार्यालय सुर्खेतका अनुुसार, रावतको शव गुर्भाकोट नगरपालिका—११ बर्माघाटस्थित भेरी नदी किनारमा भेटिएको थियो ।
सोमबार बेलुका स्थानीयले टेलिफोनमार्फत जानकारी गराएपछि प्रहरी चौकी मेहलकुना, सुर्खेतबाट प्रहरी नायव निरीक्षक मनिष गुरुङको कमान्डमा ४ जनाको प्रहरी टोली घटनास्थल खटिएको थियो । शव पोस्टमार्टमका लागि मेहलकुना अस्पतालको शवगृहमा राखिएको थियो । मंगलबार उनका छोरा गणेश रावतले बुबाको सनाखत गरी शव बुझेका छन् ।
कर्ण बहादुर असार २५ गते आफ्नै घरबाट बाख्रा चराउन गएका थिए र त्यही बेला भीरबाट लडी खोलामा परेका थिए भने खोलाले बगाएर बेपत्ता गराएको थियो ।
