काठमाडौँ, ७ जेठ । दाङमा बलात्कार आरोपमा दुई युवकलाई प्रहरीले पक्राउ गरेको छ भने एकजना फरार छन् ।
प्रहरीका अनुसार पक्राउ पर्नेमा तुलसीपुर उपमहानगरपालिका–१०, बनगाउँका २४ वर्षीय ओम चौधरी र २२ वर्षीय सुमन भनिने राजेन्द्र चौधरीलाई बुधबार दिउँसो पक्राउ गरेको हो ।
१९ वर्षीया एक किशोरीको बलात्कार गरेको उनीहरूमाथि आरोप छ । ओम, राजेन्द्र र तुलसीपुर–८, टिकरीका २४ वर्षीय राजेश चौधरीले ती किशोरीको बलात्कार गरेको भन्ने उजुरीका आधारमा दुईजनालाई पक्राउ गरिएको प्रहरीले जनाएको छ । प्रहरीले फरार रहेका राजेशको खोजी गरिरहेको छ ।
