काठमाडौँ, ५ जेठ । बाँकेबाट नेपाल प्रहरीको विभिन्न चरणका परीक्षाहरूमा उत्तीर्ण गराई जागिर लगाइदिन्छु भन्दै रकम ठगी गर्ने एक जनालाई प्रहरीले पक्राउ गरेको छ ।
पक्राउ पर्नेमा सुर्खेत जिल्ला भेरीगंगा नगरपालिका वडा नम्बर १ गुराँसे बस्ने ३० वर्षका लक्ष्मण बिक रहेका छन् । उनले विभिन्न मितिमा मानिसहरूलाई प्रहरीमा भर्ना गराइदिने आश्वासन दिँदै रकम माग गरी ठगी गरेको प्रहरीले जनाएको छ ।
विकलाई गत इलाका प्रहरी कार्यालय कोहलपुर बाँकेबाट खटिएको प्रहरी टोलीले पक्राउ गरेको हो । पक्राउ परेका विकमाथि थप कानुनी कारबाहीका लागि सम्मानित बाँके जिल्ला अदालतबाट ठगी मुद्दामा पाँच दिनको म्याद थप अनुमति लिइएको छ ।
