काठमाडौँ, ३१ बैशाख । लागु औषध नियन्त्रण ब्यूरो कोटेश्वरको प्रहरी टोलीले काठमाडौँको बुढानीलकण्ठबाट ८३ ग्राम खैरो हेरोइनसहित एक जनालाई पक्राउ गरेको छ ।
आज ब्यूरोले बुढानीलकण्ठ नगरपालिका वडा नम्बर ११ स्थित क्षेत्रबाट अवैध लागुऔषधसहित उनलाई नियन्त्रणमा लिएको हो।
पक्राउ पर्नेमा जिल्ला उदयपुर, चौदण्डीगढी नगरपालिका वडा नम्बर ५ ठेगाना भएका ३१ वर्षीय केदार राई रहेका छन् । प्रहरीले उनको साथबाट लागुऔषध जोख्न प्रयोग गरिने एक थान डिजिटल तराजु समेत बरामद गरेको छ ।
पक्राउ परेका राईमाथि लागुऔषध (नियन्त्रण) ऐन २०३३ बमोजिम थप अनुसन्धान भइरहेको प्रहरीले जनाएको छ । प्रहरीले उनी लागुऔषधको कारोबारमा कति समयदेखि संलग्न थिए र यसको स्रोत के हो भन्नेबारे खोजी गरिरहेको छ ।
