काठमाडौँ, १६ मंसिर । काठमाडौँको केशरमहलमा कारको ठक्करबाट एक पैदलयात्रुको मृत्यु भएको छ ।
उपत्यका ट्राफिक प्रहरी कार्यालयका अनुसार बागमती प्रदेश ०१–०३० च २३४८ नम्बरको नेटा कारले ठक्कर दिँदा पैदयात्रुको मृत्यु भएको हो । मृतक पुरुष हुन् ।
दुर्घटनामा परेर ट्राफिक प्रहरी प्रभाग दरबारमार्गमा कार्यरत हवल्दार पशुराम ठाकुर घाइते भएका छन् । उनका दुवै खुट्टा र छातिमा चोट लागेको छ । कार चालक काठमाडौँ–१६ बस्ने ६६ वर्षीय सुरेश राज कालिकालाई नियन्त्रणमा लिएर प्रहरी वृत्त दरबारमार्गमा राखिएको छ ।
घटनाबारे प्रहरीले अनुसन्धान गरिरहेको जनाएको छ ।
