नागरिकको सुरक्षा पहिलो प्राथमिकता : मुख्यमन्त्री पाण्डे

पोखरा, ३२ साउन । गण्डकी प्रदेशका मुख्यमन्त्री सुरेन्द्रराज पाण्डेले नागरिकको सुरक्षा सरकारको पहिलो प्राथमिकता भएको बताएका छन् । गण्डकी प्रदेशसभाको सदस्यले समसामयिक विषयमा उठाउनुभएका प्रश्नको जवाफ दिँदै अविरल वर्षासँगै आएको बाढी पीडितको उद्धार र अवरुद्ध सडक सञ्चालनमा सरकारका सबै निकाय परिचालन गरिएको जानकारी दिए ।

मुस्ताङको कागखोलामा आएको लेदोसहितको बाढीले बारागुङ मुक्ति क्षेत्र गाउँपालिका–४ कागवेनीमा २१ घर, चार गोठ, वडा कार्यालय, प्रहरीचौकी, समाज घर, आमासमूह र युथ क्लबको भवन, धर्मशाला, एक पक्कीपुललगायत विभिन्न ३६ वटा पक्की संरचनामा क्षति पुगेको सभासमक्ष अवगत गराए ।

“बाढीले पुरेको कागवेनी क्षेत्रमा दुई वटा एस्काभेटर परिचालन गरी लेदो हटाउने काम भइसकेको छ”, प्रदेश विपद् व्यवस्थापन कार्यसमितिको अध्यक्षसमेत रहेका मुख्यमन्त्री पाण्डेले भने, “त्यस क्षेत्रमा आवश्यक त्रिपाल, व्याङ्केट, टेन्टसहित आवश्यक औषधि, खाद्यान्नलगायत बन्दोबस्तीका सामग्री उपलब्ध गराइएको छ ।”

बाढी प्रभावित क्षेत्रमा खानेपानीको व्यवस्था भइसकेको बताउँदै उनले २८ वटा बिजुली खम्बा बगाएको र भोलि साँझसम्म पुनःस्थापना गरी सञ्चालन गरिने विश्वास व्यक्त गरे । बाढीग्रस्त क्षेत्रमा नेपाली सेना, सशस्त्र प्रहरी, जनपथ प्रहरी, जनप्रतिनिधि, स्थानीय विभिन्न सङ्घसंस्थाको सक्रियतामा उद्धार कार्यमा जुटेका कारण मानवीय क्षतिबाट जोगिन सफल भएको बताउँदै उनले प्रभावित क्षेत्रमा प्रदेश सरकार, जिल्ला विपद् व्यवस्थापना समिति, नेपाल रेडक्रस सोसाइटीले आवश्यकताअनुसारको राहत वितरण गर्दै आएको  बताए ।

कालीगण्डकी नदी बस्तीभन्दा माथि आएका कारण भविष्यमा हुने सम्भावित क्षति न्यूनीकरणका लागि भूगर्भविद्, जनप्रतिनिधि, प्राविधिकसहितको टोलीले सम्भाव्यता अध्ययन गरी समाधान खोजिने तयारी भइरहेको उनको भनाइ छ । मुख्यमन्त्री पाण्डेले नारायणी नदीमा आएको बाढी नवलपुर जिल्लाको त्रिवेणीस्थित बोटेबस्तीमा पस्दा एक सय घरमा क्षति पुग्दा तीन सय ५० जना प्रभावित भएको बताउँदै उहाँले यसको दीर्घकालीन समाधानका लागि सङ्घ सरकारसँग सहयोगका लागि सिफारिस गरिएको प्रदेशसभामा स्पष्ट पारे । रासस

प्रतिक्रिया दिनुहोस्

संबन्धित समाचार

काठमाडौँ, १२ फागुन । प्रतिनिधि सभाका सभामुख देवराज घिमिरेले स्वास्थ्य बीमा कार्यक्रम आफैँ भ्रष्टाचारको माध्यम बनिरहेको बताएका छन् ।  राजनीतिक दल

काठमाडौँ, १२ फागुन । समाजवादी मोर्चाले सातवटै प्रदेशमा अन्तरक्रिया गर्ने भएको छ । शनिबार प्रधानमन्त्री निवास बालुवाटारमा बसेको मोर्चाको बैठकले

धनुषा, १२ फागुन ।  प्रधानमन्त्री पुष्पकमल दाहाल ‘प्रचण्ड’ले कमला नदीमा निर्माण भएको झोलुङ्गे पुलको उद्घाटन गरेका छन् । सिरहा नगरपालिका–१३

काठमडौँ, १२ फागुन । उपराष्ट्रपति रामसहायप्रसाद यादवसँग राष्ट्रियसभाका अध्यक्ष गणेशप्रसाद तिमिल्सिनाबीच शिष्टाचार भेटवार्ता भएको छ । आज बिहान ले लैनचौरस्थित