काठमाडौँ, २६ जेठ । प्रमुख प्रतिपक्ष दल नेकपा (एमाले)का सचिव एवं सांसद गोकर्ण विष्टले गोर्खा, डडेलधुरा र नुवाकोटमा केन्द्रित हुनेगरी बजेट आएको आरोप लगाएका छन् ।
आज प्रतिनिधिसभा बैठकमा बोल्दै उनले सरकारले ल्याएको आगामी आर्थिक वर्षको बजेटमाथिको छलफलमा उनले सत्तारुढ दलका शीर्ष नेताहरूको पहुँचमा हुने गरी बजेट आएको भन्दै मान्य नहुने बताए ।
उनले भने, “डडेलधुरा र गोर्खामा बजेट बढ्यो रे । नुवाकोटमा बजेट बढ्यो रे । क्रमागत आयोजनाहरू काटिन्छन् । तर आज केही पहुँचका आधारमा योजनाहरू, बजेट केन्द्रित भएको छ,” “आज विधि र न्याय स्थापित भएन ।”
