काठमाडौँ, १६ असोज । प्रभु बैंकले बाढीपीडित उद्धार कोषमा पाँच लाख लाख रुपैयाँ सहयोग गरेको छ ।
बैंकका प्रमुख कार्यकारी अधिकृत अशोक शेरचनले बागलुङ ढोरपाटन नगरपालिकाको उद्धार कोषमा उक्त सहयोग गरेका हुन् ।
बागलुङको बाढी पहिरोले क्षतिग्रस्त ढोरपाटन नगरपालिकाको वडा ७, ८ र ९ को गण्डकी प्रदेशका आर्थिक मामिलामन्त्री किरण गुरुङ र भौतिक योजनामन्त्री रामशरण बस्नेतले निरीक्षण गरेका थिए ।
३७ जनाको ज्यान लिएको उक्त बाढी पहिरोले विद्यालय, स्वास्थ्यचौकी, लघु जलविद्युत्, पुल र १०० वटा जति घर ध्वस्त बनाएको थियो ।