चालक दलका सबै सदस्यले सुतिरहेकी महिलालाई विमानभित्रै छोडे !

एजेन्सी । एयर क्यानडाकी सुतीरहेकी एक यात्रीलाई चालक दलका सबै सदस्यले विमानभित्र छोडेर बाहिर निस्के ।

एयर क्यानडा विमानले उडान भरेपछि टिफनी एडम्स नाम गरेकी महिला महिला निदाइन् । जब उनको आँखा खोलियो तब विमानभित्र पूरा अँध्यारो थियो । त्यहाँ न यात्री थिए, न चालक चलका सदस्य । विमान पार्किङ एरियामा थियो ।

एमएसएन न्यूजका अनुसार टिफनी एडम्सले यो महिनाको सुरुमा उक्त विमानमा गरेको यात्राबारे आफ्नी साथीलाई बताएकी थिइन् । उनकी साथीले एयर क्यानडाको फेसबुक पेजमा यसबारे जानकारी दिइन् । उनले लेखिन्, ‘यात्राको क्रममा एडमको फोनको ब्याट्रि पनि सिद्धियो । यो उनका लागि एउटा खराब सपनाजस्तो थियो । आखिर यस्तो कसरी हुनसक्छ भनेर उनी सोचिरहेकी थिइन् । उनी राम्रोसँग सास फेर्न र आफूलाई प्यानिक अट्याकबाट बचाउने कोसिस गरिरहेकी थिइन् । एडमले त्यहाँ भएको हरेक युएसबी पोर्टबाट आफ्नो फोन चार्ज गर्ने कोसिस गरिन् तर विमानको बिजुली बन्द भएका कारण उनले यस्तो गर्न सकिनन् ।

एडमका अनुसार ककपिटमा एउटा टर्च भेटेपछि उनी विमानको ढोका खोल्न सफल भइन् । तर ढोका जमिनभन्दा करिब ५० फिट माथि भएको देखिन् । यस्तो स्थितीमा उनले टर्चबाट समान ल्याउने गाडीका ड्राइभरको ध्यान आफूतर्फ खिचिन् । ती ड्राइभरले एडमलाई विमानबाट निकाल्न मद्दत गरे ।

‘यो घटनापछि म निदाउन सकिरहेको छ । सुत्न खोज्दा झसङ्ग ब्युँझिने गर्छु,’ एडमले भनिन्, ।

 एयर क्यानडाले सिटिभी न्यूजसँग भन्यो, ‘हामी यो मामलामा अनुसन्धान गरिरहेका छौं । योभन्दा बढी जानकारी दिन सकिँदैन ।’

प्रतिक्रिया दिनुहोस्

संबन्धित समाचार

काठमाडौँ, २ मंसिर । कलाकार सर्विन (छत्र) बोगटी पक्राउ परेका छन् । भक्तपुरको सूर्यविनायकबाट उनलाई मंगलबार पक्राउ गरिएको हो ।  वैयक्तिक

काठमाडौँ, १ मंसिर । फिल्म ‘रामायण’ले बक्स अफिसमा नयाँ कीर्तिमान रचेको छ । भारतीय बक्स अफिसमा यसले ‘आरआरआर’को रेकर्ड तोडेको

काठमाडौँ, ३० कार्तिक । प्रदर्शनकाे समयमा विवादमा फसेको फिल्म ‘पाँच पाण्डव’ १२ हजार बढीले हेरेको पाइएको छ । चलचित्र विकास बोर्डले

काठमाडौँ, २९ कार्तिक । घरेलु हतियार खुकुरी देखाउँदै अश्लील तथा डरत्रास फैलाउने अभिव्यक्तिसहित टिकटक भिडियो बनाएर सामाजिक सञ्जालमा पोस्ट गरेको