एजेन्सी । अमेरिकाको क्यालिफोर्नियास्थित द करी पिज्जा नामक रेष्टुरेन्टमा आउने ग्राहकले यदि आफ्नो मोबाइल लकरमा राखेमा उनीहरुले सित्तैमा पिज्जा खान पाउनेछन् ।
उक्त रेष्टुरेन्टमा सित्तैमा पिज्जा पाउनका लागि भने एक्लै होइन कम्तिमा ४ जनाको समूहमा जानु पर्दछ र सबैसँग स्मार्टफोन हुनै पर्दछ । ग्राहकको फोनलाई लकरमा राख्नुअघि रेष्टुरेन्टका कर्मचारीले फोनको चेकजाँच गर्दछन् ता कि फोन सद्दे होस् । त्यसपछि फोनलाई लकरमा राखिन्छ ।
रेष्टुरेन्टमा खाना खाएर निस्कने बेलामा उनीहरुलाई आफ्नो फोन फिर्ता दिइन्छ तर उनीहरुले तत्कालै सित्तैमा पिज्जा भने पाउने होइन । २४ घण्टाभित्र दोश्रो पटक रेष्टुरेन्टमा आएका बखत उनीहरुले सित्तैको पिज्जा पाउँछन् ।
यो अफर सुरु भएको करीब ३ हप्ता बितिसकेको छ । अहिलेसम्म रेष्टुरेन्टले ५० वटा ठूलो आकारका पिज्जा सित्तैमा बाँडिसकेको छ । मोबाइल लकरमा राखिदिएर सित्तैमा पिज्जा दिने अफर ल्याउनुको खास कारण भने यस्तो छ । वास्तवमा मानिसहरुमा मोबाइलको लत छुटाउन तथा समूहमा कुराकानी तथा छलफल गर्नका लागि प्रेरित गर्न रेष्टुरेन्टले यस्तो अफर ल्याएको बताएको छ ।
