एजेन्सी । बेल्जियमका एक बालकले नौ वर्षको उमेरमै स्नातक उत्तीर्ण गर्ने भएका छन् ।
बेल्जियमका इन्डहोभेन युनिभर्सिटी अफ टेक्नोलोजी (टीयूई)मा अध्ययनरत लरेन्ट सिमोन नामका ९ वर्षका बालक तुलनात्मक रुपमा कठीन मानिने इलेक्ट्रिकल इन्जिनियरिङमा स्नातक गरिरहेका छन् ।
उनको स्नातक पढाइ आगामी डिसेम्बरमा सकिँदैछ । शिक्षकले सिमोनलाई ‘अत्यन्त असाधारण’को विद्यार्थीको संज्ञा दिएका छन् । सिमोन स्नातकपछि इलेक्ट्रिकल इन्जिनियरिङमै पीएचडी गर्ने योजनामा छन् । पीएचडीसँगसँगै लरेन्टले मेडिकल डिग्री पनि अघि बढाउँदैछन् ।
लरेन्टको प्रतिभा पहिलो पटक उनका हजुरबुवा–हजुरआमाले पहिचान गरेका थिए । उनका अभिभावक लिडिया र एलेक्जेण्डर सिमोन्सले आफ्ना आमाबुबाबाट छोराको प्रतिभाबारे सुन्दा सुरुमा नपत्याएको बताउँछन् । तर पछि लरेन्टका शिक्षकले पनि उनको प्रतिभाबारे पुष्टि गरेका थिए ।
