काठमाडौँ, ४ मंसिर । काठमाडौँको चन्द्रागिरि नगरपालिका–२ नागढुङ्गाबाट १ सय २ ग्राम खैरो हेरोइनसहित २ जनालाई प्रहरीले पक्राउ गरेको छ ।
पक्राउ पर्नेहरूमा सिन्धुली गोलान्जोर गाउँपालिका–३ घर भएका २९ वर्षीय दिपेश थापा र बझाङ सुर्मा गाउँपालिका–३ घर भएका २६ वर्षीय सञ्जय बोहरा रहेका छन् ।
लागूऔषध नियन्त्रण ब्युरो शाखा कार्यालय नागढुङ्गा र प्रहरी प्रभाग नागढुङ्गाबाट खटिएको प्रहरीले ना.५७ प ७५०५ नम्बरको मोटरसाइकलमा सवार उनीहरूलाई शुक्रबार उक्त लागुऔषधसहित फेला पारी पक्राउ गरेको हो ।






