काठमाडौँ, २५ असोज । रास्वपा सभापति रवि लामिछानेले आफ्नो पार्टीका सदस्यहरुलाई बाढीबाट प्रभावितहरूको उद्धारमा जुट्न निर्देशन दिएको छ ।
सभापति लामिछानेले ब|बूढीगण्डकीमा आएको बाढीबाट प्रभावित भएकाहरूको उद्धारमा जुट्न पार्टी सदस्यहरूलाई निर्देशन दिएका हुन् ।
लामिछानेले सामाजिक सञ्जाल फेसबुकमा प्रभावित नागिरकहरुको तत्काल उद्धारमा सरकार सक्रिय रूपमा लागेको बताउँदै पार्टीका सदस्यहरूलाई समेत राहत तथा आवश्यक सहयोग गर्न भनेका हुन् ।
“आज बिहान बूढीगण्डकी नदीमा आएको अकल्पनीय बाढीले गोरखाको चुम्नुब्री क्षेत्रमा व्यापक क्षति पुर्याएको र न्याक्चेत–फिलिम, धादिङ–गोरखा जोड्ने महत्त्वपूर्ण पुलसमेत बगाएको खबरले मलाई अत्यन्त मर्माहत बनाएको छ। सम्पूर्ण नागरिकहरूलाई उच्च सतर्कता अपनाउन, सुरक्षित स्थानमा रहन र स्थानीय प्रशासनको निर्देशनलाई पूर्ण रूपमा पालना गर्न म अपिल पनि गर्दछु,” उनको आग्रह छ ।
स्थानीय निकायसँगको समन्वयमा प्रभावित क्षेत्रमा खटिन उनले कार्यकर्तालाई निर्देशन दिएका हुन् ।
