काठमाडौँ, २२ असाेज । सिरहाको गोलबजार नगरपालिका-२ गुरूधाममा मोटरसाइकलको ठकक्रबाट पैदलयात्रीको मृत्यु भएको छ ।
प्रहरीका अनुसार, कसहाबाट मिर्चैयातर्फ जाँदै गरेको प्रदेश १-०५-००१ प १६३६ नम्बरको मोटरसाइकलको ठक्करबाट पैदलयात्री सोही नगरपालिका-३ बस्ने ७८ वर्षीय कमलबहादुर श्रेष्ठको आज बिहान मृत्यु भएको हो ।
ठक्करबाट गम्भीर घाइते भएका उनको लाईफ लङ अस्पताल गोलबजार हुँदै सरकारी अस्पताल सुनसरीमा थप उपचारको क्रममा मृत्यु भएको हो । प्रहरीले मोटरसाइकल चालकलाई नियन्त्रणमा लिई दुर्घटनाको सम्बन्धमा आवश्यक अनुसन्धान गरिरहेको प्रहरी प्रधान कार्यालयले जानकारी दिएको छ ।
