रुपन्देही, २० असार । नेकपाका संयोजक पुष्पकमल दाहाल ‘प्रचण्ड’ले सरकारका सय दिन उपलब्धीशून्य भएको बताएका छन् ।
लुम्बिनी प्रदेशस्तरीय पार्टीको शपथ ग्रहण तथा प्रशिक्षण कार्यक्रमका लागि बुटवल आएका उनले पत्रकारहरुसँग बोल्दै उनले भने, ‘जनतालाई जे आश्वासन र भ्रम दिएर सरकार बनाइएको थियो । त्यसअर्थमा यो सरकारका सय दिन पूर्णत असफल भएको छ ।’
पूर्वप्रधानमन्त्रीसमेत रहेका प्रचण्डले अहिले नै बामएकताको कुरा कुनै नभएको तर सहकार्यको लागि समन्वय गरेको जनाएका छन् ।
बाम एकताको लागि तपाईले समन्वय गरेको कुरा छ नि भन्ने प्रश्नको जवाफमा उनले भने– ‘बाम एकताभन्दा पनि कांग्रेस–एमाले–लगायत सबैसँग सहकार्यको कुरा हो, अहिले एकताको कुरा छैन, सहकार्यमा हामीले त्यसमा समन्वय गरिराखेका छौं ।’
