कञ्चनपुर, २० असार । प्रहरीले विभिन्न मुद्दामा फरार रहेका दुई जना प्रतिवादीलाई शुक्रबार पक्राउ गरी फैसला कार्यान्वयनका लागि जिल्ला अदालत कञ्चनपुरमा उपस्थित गराएको छ ।
जिल्ला प्रहरी कार्यालयबाट खटिएको प्रहरी टोलीले बहुविवाह मुद्दामा दोषी ठहर भएका नरेशराम विक र पुनःचलनसम्बन्धी मुद्दामा दोषी ठहर भएकी कौशिला चन्दलाई पक्राउ गरेको हो । विकलाई विसं २०८२ असार २० गते अदालतको फैसलाले एक वर्ष तीन महिना कैद र रु १५ हजार जरिवाना तोकेको थियो । त्यसैगरी चन्दलाई विसं २०७९ मङ्सिर १६ गतेको फैसलाअनुसार रु पाँच हजार जरिवाना हुने फैसला भएको थियो ।
