हेटौंडा, ९ असार । खोलामा माछा मार्ने क्रममा करेन्ट लागेर एक युवकको मृत्यु भएको छ ।
हेटौंडा उपमहानगरपालिका–१८ सुकौराका ३७ वर्षीय कुमार लोप्चनको सुकौरा खोलामा करेन्ट लगाएर माछा मार्ने क्रममा विद्युत् सर्ट भएर मृत्यु भएको हो । सुकौरा खोलामा माछा मार्ने क्रममा करेन्ट लागेर उनको घटनास्थलमै मृत्यु भएको हो ।
मंगलबार दिउसो गाउँमा मजदुरी काम गरेर घर फर्कने क्रममा करेन्ट लगाएर माछा मार्न खोज्दा आफैंलाई करेन्ट लागेर उनको मृत्यु भएको हेटौडा उपमहानगरपालिका–१८ ठूलो दमारका प्रहरी सहायक निरीक्षक हिरामन प्रसाद यादवले बताए ।
