काठमाडौँ, ११ जेठ । कास्कीको पोखरा महानगरपालिका–१७ स्थित सेती नदीको खोचबाट सशस्त्र प्रहरी बलको टोलीले एकजनाको शव निकालेको छ ।
भारत घर भई पोखरा–१७, घारीपाटनमा बस्दै आएका अन्दाजी ३४ वर्षीय मुकेश महतो आइतबार (जेठ १०) राति उक्त नदीमा हाम फाली बेपत्ता भएका थिए । उनको खोजीमा सशस्त्र प्रहरी बल नेपाल नं. २४ कालिका गणबाट राति नै टोली खटिएको थियो । तर, फेला नपरेपछि टोली फर्किएको थियो ।
आज बिहान पुनः विपद् व्यवस्थापन तालिमप्राप्तसहितको टोली खटिएको थियो । उक्त टोलीले २५० फिट तल सेतीको खोचबाट उनको शव बाहिर निकालेको प्रहरीले जनाएको छ ।
