काठमाडौँ, १ जेठ । जेनजी आन्दोलनमा नख्खु कारागार काठमाडौँबाट भागेका एक कैदीलाई बैतडी प्रहरीले पक्राउ गरेको छ ।
जिल्ला प्रहरी कार्यालय बैतडीका अनुसार पुर्चाैडी नगरपालिका वडा नं ७ काफलीका नरेन्द्र सिंह रतोकीलाई पक्राउ गरिएको हो ।
इलाका प्रहरी कार्यालय पाटनका इन्चार्ज, प्रहरी निरक्षिक इन्द्रराज भट्टको कमाण्डमा खटिएको प्रहरी टोलीले आज बिहान घरबाटै नियन्त्रणमा लिएको हो ।
रतोकी गत भाद्र २३ र २४ गतेको जेनजी आन्दोलनको क्रममा नख्खु कारागारबाट भागेका थिए । उनलाई जबरजस्ती करणी र डाँकाचोरी मुद्दामा १७ वर्ष ६ महिना कैद सुनाइएको थियो ।
